Warum vazäisd??

Verse 1:
Du bist oana vo de ollascheensdn, des hob I glei kabiad,
Du bist oana, der sie vorm Sprung ins Wassa a Viadlstund frisiad,
Du bist oana mied wenig Hirn, dafia mied ganz vui Gäid,
Des war mir wurschd, doch leida bisd du oana, der mir des ois genau vazäid.

Verse 2:
Du hossd des ollaneiasde Äbbl-Ei-Phone
Mied dem ma iadzad neiadings online zum Scheissn geh konn,
Dei Kalenda-Äbb sogd dir genau wann dass du wos duasd,
Nur leida nia, wann du die Mei hoidn muasd.


Chorus:
Warum vazäisd du mir den ganzn Scheiß
Glabsd du denn, dass mi des interessiad,
Da gressde sei und des um jädn Breis,
Blosd di auf, solang bisd explodiasd,
So wia du meggade gar ned sei.


Verse 3:
Jädn Dog rennsd du in dein Fünf-Sterne Fiddnessglubb,
Kimmsd dann noch na hoibn Stund dodal ohgweagld zrugg.
Des sinnlose Stemma brauchsd du zum Obreagian,
Weil in da Arbad muasd di sowieso ned rian.

Verse 4:
In da Schui bissd du oiwei scho da ollabessde gwen,
De Lehra warn gach gschmiad, do brauch ma gar ned rehn
Aba so is hoid nummoi auf dera Wäid,
Dass nur as Gäid und ned de Leistung zäid.


Chorus:
Wia vorher!


Bridge:
Dei Freindinn is blond, hod dobbe D und blaue Aung
Sie is hyperintelligent vom langa Nammedogstalkschouwohschaun
Ihra Gesprächsniveau is ungefähr so flach
Wia noch am fünf Minutn Nießlreng de Wassalagg


Verse 5:
Dei Mama de hod ledsndns Jubiläum gahbd ouh Mei,
Zehn Jahr is sie iadzad scho bei de Wäihgd-Wodschas dabei
Bekanndlich is de Hoffnung, de z ledsd stirbt,
Bläd grod, dass sie aa noch oam Jahrzehnt no a so a Wambbn schiabd

Verse 6:
Und na erst dei Babba, vo dem hossd du woi des Gen,
Den ganzn liaba langa Dog, so furchtbar vui zu rehn.
Er arbad bei da BILD ois Journalist
Und verzapfd do genau den gleichn Mist.


Chorus:
Wia vorher !